Home / Entertainment / అభిమానికోసం ఆటో నడిపిన అఖిల్ అక్కినేని.

అభిమానికోసం ఆటో నడిపిన అఖిల్ అక్కినేని.

Author:

Akhil1

తమ బిజీ జీవితాల మధ్య కూడా తమని అభిమానంతో తలచుకునే వారికీ ఆనందాన్నివ్వాలనుకుంటున్నారు సినీ హీరోలూ,సెలెబ్రిటీలూ..రెండేళ్ళ క్రితం తెలంగాణా సీఎం కేసీఆర్ హాస్పిటల్ లో ఉన్న పాపని పలకరించారు. ఆమె ప్రాణాపాయ స్థితిలో తనని చూడాలన్న ఆ చిన్నారి కోరికని కాదానలేక పోయిన చంద్ర శేఖర రావు ఆయన బిజీ లైఫ్ లో కొన్ని గంటల పాటు ఆ చిన్నారి కోసం కేటాయించారు. అంతేకాదు పవర్ స్టార్ పవన్ కళ్యాన్ కూడా తనని చూడాలనుకున్న అమ్మాయితో కొన్ని గంటల పాటు గడిపి ఆమెని ఆనందంగా ఉంచాడు. అభిమానులన్న కారణం ఒక్కటే కాదు.మానవత్వం కూడా ఉంటేనే ఇలా చేయగలరు. తమ స్థాయి కారకులైన వాళ్ళని గౌరవించటమే కాదు అవసరం అనుకున్నప్పుడు తమకు సాధ్యమైనంతలో తమ వారిని ఇలా ఆనందపెడుతున్నారు కూడా.

అయితే లేటెస్ట్ గా యువస్టార్ అఖిల్ అక్కినేని కూడా తన చిన్నారి అభిమాని కోరిక తీర్చటం కోసం. అతన్ని కలవటమే కాదు అతని కోసం ఆటో నడిపాడు. కిడ్నీ సంబంధిత వ్యాధితో బాధపడుతున్న ఏడేళ్ల చిన్నారి అశ్విత్‌రెడ్డిని సినీ హీరో అక్కినేని అఖిల్ పరామర్శించారు. మంచు లక్ష్మి హోస్ట్‌గా వ్యవహరిస్తున్న ఓ ప్రైవేట్ టీవీ చానల్ ద్వారా అశ్విత్‌రెడ్డి దుస్థితిని తెలుసుకున్న అఖిల్ మంగళవారం ఖమ్మం వచ్చారు. ఈ సందర్భంగా అశ్విత్‌రెడ్డి వైద్యానికి అవసరమయ్యే డబ్బు కోసం ఆటో నడిపి కొంత మొత్తం సేకరించారు. నగరంలోని నర్సింహస్వామి దేవాలయం రోడ్డులో ఉంటున్న కట్టూరి కృష్ణారెడ్డి, కవితలకు కుమారుడు అశ్విత్‌రెడ్డి, కుమార్తె అనుషిత ఉన్నారు.రెండు నెలల క్రితం అశ్విత్ డెంగీ జ్వరం బారినపడటంతో వైద్య పరీక్షలు చేయించారు. ఆ సమయంలో అతనికి రెండు మూత్రపిండాలు పాడైనట్లు వైద్యులు తెలిపారు. వైద్యం కోసం ఆస్తి, బంగారం అమ్మి రూ.6 లక్షల వరకు ఖర్చు చేశారు. కిడ్నీ మార్పిడికి రూ.10 లక్షల వరకు ఖర్చు వస్తుందని డాక్టర్లు చెప్పారు. అంతమొత్తం వెచ్చించే స్థోమత అశ్విత్‌రెడ్డి తల్లిదండ్రులకు లేదు.

ఈ నేపథ్యంలో ఒక టీవీ చానల్ లోమంచు లక్ష్మి నిర్వహించే షోలో అశ్విత్‌ గురించి ప్రసారం అయ్యింది. ఈ షోలో తనకు అక్కినేని అఖిల్ ని చూడాలని ఉందని చెప్పాడా పిల్లవాడు. ఈ ప్రోగ్రాం టీవీల్లో రావటంతో విషయాన్ని తెలుసుకున్న అఖిల్ ఖమ్మం వచ్చి అశ్విత్ ని కలుసుకుని మాట్లాడాడు,అంతే కాదు తన చిన్నారి అభిమాని కోసం ఖమ్మం రోడ్ల మీద ఆటో కూడా నడిపి డబ్బులు సంపాదించాడు. సేకరించిన 3000 రూపాయలను వారికి ఇచ్చాడు అఖిల్. ఆటో నడిపి ప్రయాణికులు ఇచ్చిన రూ.3వేలను చిన్నారి కుటుంబానికి అందజేశాడు. దీంతో పాటు మంచు లక్ష్మిప్రసన్న కూడా తాను నిర్వహిస్తున్న స్వచ్ఛంద సంస్థ ద్వారా బాలుడికి రూ.3 లక్షల ఆర్థిక సాయం అందిస్తున్నారు.

(Visited 221 times, 21 visits today)