Home / Political / జనవరి 26 న విశాఖ తీరం ఎలా ఉండబోతుంది?

జనవరి 26 న విశాఖ తీరం ఎలా ఉండబోతుంది?

Author:

ఫేస్ బుక్, ట్విట్టర్ లేదా ఇంకా ఎదైనా సోషల్ నెట్వర్కింగ్ సైట్ ఒపెన్ చేసినా ఒకటే మెసేజ్ దర్శనం ఇస్తుంది. ఆంధ్రప్రదేశ్ బాగు కోరుకునే వాడివైతే కులానికి, మతానికి, పార్టీలకు అతీతంగా కదిలిరా విశాఖ తీరానికి అన్నది ఆ మెసేజ్ సారంశం. జల్లికట్టు మీద సుప్రీం కోర్టు నిషేదం విధించినా కూడా వెనకడుగు వేయకుండా తమిళ యువత చేపట్టిన శాంతియుత నిరసనను స్పూర్తిగా తీసుకొని ఆంధ్ర యువత కూడా నవ్యాంధ్రప్రదేశ్ కి ప్రత్యేక హోదా కోసం జనవరి 26 న వైజాగ్ బీచ్ లో నిరసన తెలపాలని నిర్ణయించుకున్నారు. ఏలా నిరసన తెలపాలన్నది ఎవరికి తెలియక పోయినా ముందుగా అందరూ 26న విశాఖ తీరానికి చేరాలన్న మెసేజ్ అందరికి చేరింది.

Special-Status-For-AP

ఇక ఈరోజు పవర్ స్టార్ పవన్ కళ్యాణ్ కూడా యువత చేయబోవు నిరసనకు తమ మద్దతు ఉంటుందని ట్విట్టర్లో ప్రకటించడంతో ఇప్పుడు ఈ విషయం ఇంకోంచం సీరియస్ గా మారింది. ఇప్పుడిప్పుడే యువ తెలుగు హీరోలు కొందరు ఆంధ్ర యువత ఆందోళనలకు తమ మద్దతు ఉంటుందని కుదిరితే తాము కూడా వైజాగ్ వస్తామని ప్రకటిస్తుండడంతో ఇక 26 న విశాఖ లో ఎం జరగబోతుందో అన్నది అందరికి ఉత్కంట గా మారింది. ఏది ఏమైనా నవ్యాంధ్రప్రదేశ్ కి ప్రత్యేక హోదా కోసం ఆంధ్ర యువత అంతా కదిలితే అది తప్పక సిద్దిస్తుంది.

 

(Visited 185 times, 11 visits today)