Home / Entertainment / మరోసారి పబ్లిక్ స్మో”కింగ్” వివాదంలో బాలయ్య

మరోసారి పబ్లిక్ స్మో”కింగ్” వివాదంలో బాలయ్య

Author:

balayya smoking cigarette in public

స్టార్ హీరోలు ఏం చేసినా అదో హాట్ టాపిక్ అయిపోతుంది. వారి ప్రతీ కదలికా ఒక సెన్షేషనే, బయట మనం మామూలుగా చేసే పనులు ఒక హీరో చేసాడంటే వెంటనే అదొక వార్త అయిపోతుంది…. ఇక ఆ స్టార్ బాలయ్య అయితే ఇక సీన్ సితారే. ఆమధ్య ఒక ఇంటర్వ్యూలో “రోజూ పొద్దున్నే ఒక లంకపొగాకు చుట్ట తాగందే తన రోజు మొదలవదు” అంటూ బాలయ్య చెప్పిన మాటలకి షాక్ తిన్నారంతా. ఎందుకంటే బాలక్రిష్ణ ఎప్పుడూ పబ్లిక్ గా సిగరెట్ వెలిగించలేదు. తన ప్రైవేట్ అలవాట్లని ఏనాడూ అభిమానులకు తెలియకుండా జాగ్రత్త పడ్డాడు. తనని ఆదర్షంగా తీసుకునే అభిమానుల దృష్టిలో తాను చెడు అలవాట్లను ప్రోత్సహించటం సరికాదనే ఉద్దేశం తోనే ఆయన అలా తనలోని చిన్న చిన్న బ్యాడ్ హ్యాబిట్లను కూడా బయటకు చెప్పలేదని టాలివుడ్ లో ఈ సంగతులు తెలిసిన కొందరు సన్నిహితులు చెప్పుకునే వాళ్ళు…

అయితే సడెన్ గా ఈమద్య ఏమైందో కానీ నందమూరి అందగాడు కాస్త చిలిపిగా తయారయ్యాడు. తనలోని మాస్ యాంగిల్ ని కూడా చూపించటం మొదలుపెట్టాడు… ఆమధ్య తన “ఉదయం చుట్ట” సంగతి తానే స్వయంగా చెప్పటమే కాదు. నారా రోహిత్ నటించిన సావిత్రి ఆడియో ఫంక్షన్ లో కూడా మరీ జోష్ లో ఆడవాళ్ళ మీద కొన్ని అభ్యంతరకరమైన వ్యాఖ్యలతో వివాదాస్పదం అయ్యాడు. అదీ పూర్తిగా మర్చిపోకముందే ఈ గౌతమీపుత్ర శాతకర్ణి మరోసారి వార్తలకెక్కాడు ఇప్పుడు మరో వివాదం బాలయ్య ని చుట్టుకుంది…

టాలీవుడ్‌ హీరో, టీడీపీ ఎమ్మెల్యే అయిన నందమూరి బాలకృష్ణ ఈసారి చెన్నైలోని చిదంబరం స్టేడియంలో తమిళ నడిగర్ సంఘం నిర్వహించిన క్రికెట్ టోర్నీకి హాజరై, చొక్కా విప్పేసి హాయిగా సిగరెట్ వెలిగించి దమ్ముకొట్టి రిలాక్స్ అయ్యారు. బాగా వేడిగా ఉండటం తో గ్యాలరీ లోనే పబ్లిక్ గా చొక్కా విప్పేసిన బాలకృష్ణ అక్కడే సిగరెట్ వెలిగించి దమ్ము లాగారు. ఆయన పక్కనే కన్నడ నటుడు శివరాజ్ కుమార్ వంటి స్టార్ నటులు కూడా ఉన్నారు. నిజానికి బాలయ్య చేసింది మరీ పెద్ద తప్పుకాదు గానీ ఆయన ఎమ్మెల్యే అయిఉండీ ఇలాంటి చట్టవ్యతిరెక పనులకు ఊతమిచ్చే పనులు చేయటమే కాస్త ఇబ్బందిగా మారింది. ఆయన కాస్త పక్కకు వెళ్ళి సిగరెట్ వెలిగించి ఉంటే ఇలా ఫొటో గ్రాఫర్ల చేతికి చిక్కి అబాసుపాలు అయ్యుండే వారు కాదు. సినిమా హీరో గా అయితే ఓకే నే గానీ ఒక ప్రజా ప్రతినిది అయిఉండి పబ్లిక్ గా పోగతాగటం సరికాదంటూ అప్పుడే సోషల్ మీడియాలో పోస్టులు మొదలయ్యాయి.. ప్రస్తుతం ఈ ఫోటోలు అన్ని సోషల్ మీడియాల్లోనూ హాల్ చల్ చేస్తున్నాయి.

(Visited 542 times, 18 visits today)