Home / General / వామ్మో… ఈ మేక గారి భోజనం ఖరీదు 60వేల రూపాయలు.

వామ్మో… ఈ మేక గారి భోజనం ఖరీదు 60వేల రూపాయలు.

Author:

మేక భోజనానికి 60 వేల రూపాయల ఖర్చేంటి అనుకుంటున్నారా..? సాధారణంగా మేకలకి ఆకలేస్తే ఆకులో అలములో, కాయలో లేదా మరీ.. ఆకలేస్తే పేపర్లో తింటాయి. కానీ, ఈ కాన్పూర్ మేక ఏంటండీ బాబూ  ఏకంగా 60వేల రూపాయల నోట్లు తిన్నదంట. మరేం చేస్తుంది లెండి.. పాపం ఆకలి కి అలమటించిన ఆ మేక గారు యజమాని జేబులో పెట్టుకున్న నోట్లని సాధారణ పేపర్లే అనుకుందేమో పాపం, అందుకే కనబడగానే ఆకలికి తట్టుకోలేక వాటిని తినేసింది. అయినా మనకు డబ్బులంటే లెక్క కానీ మేకకేం లెక్క. దానికి పెద్ద నోటయినా చిన్న నోటయినా చిత్తూ కాగితంతో సమానం కదా… అందుకే మొత్తం ముప్పై 2వేల రూపాయల నోట్లని కరకరా నమిలేసింది.

Hungry Goat Eats Owners Currency Notes Worth Rs 62000

కాన్పూర్ కి చెందిన సర్వేశ్ అనే భవన నిర్మాణ వ్యాపారి ఇటుకలు కొనేందుకని తెచ్చుకున్న 60 వేల  రూపాయలని  తన చొక్కా జేబులో పెట్టి స్నానానికి వెళ్ళాడంట. వచ్చేసరికి ఆ మేక ఆ నోట్లను ఆకులు నమిలినట్టు నములుతోందంట. వింటుంటే మనకే ప్రాణం ఉసూరు మంటుంటే ఆ యజమానికి మాత్రం ఏ మాత్రం కోపం రాలేదంట. పైగా ఆ మేక నా ప్రాణం అని బదులిచ్చాడట. అయ్యో  ఇలా జరిగిందట కదా అని అడిగిన ఇరుగుపొరుగు వాళ్ళతో కూడా తిన్నది నా మేకే కదా మీకేం ప్రాబ్లం అంటున్నాడట.  అద్భుతం కదా.. ఏదయినా ఇలాంటి వింత సంఘటన జరగ్గానే ఊడిపడే జనాలకి, ఇప్పుడు ఈ మేక గారు  పెద్ద హాట్ టాపిక్ అయిందట. వచ్చేపోయే వాళ్లు ఈ మేక గారితో ఒక సేల్ఫీ దిగకుండా కదలట్లేదట. దాంతో మేక గారికి కూడా సేల్ఫీలు బాగా అలవాటయిపోయాయి.  సెల్ఫీలకు పోజు ఇచ్చేస్తూ ఈ  మేక  సెలబ్రిటీ  అయిపోయిందండి.

Comments

comments