Home / General / గుండెపోటు రాబోతుందని 6 గంటల ముందే తెలుసుకోవచ్చు.

గుండెపోటు రాబోతుందని 6 గంటల ముందే తెలుసుకోవచ్చు.

Author:

ఇంతకు ముందు గుండెపోటు కేవలం వయసు పైబడిన వారికి మాత్రమే వచ్చేది, కానీ ఇప్పుడు 25 ఏళ్ళు వయసున్న యువతలోనూ చాలామందికి గుండెపోటు వస్తుంది, మారిన జీవన పరిస్థుతుల కారణంగా యుక్తవయసులోనే చాలామంది గుండెపోటుతో మరణిస్తున్నారు, గుండెపోటు వచ్చిన వారికి ఎంత త్వరగా చికిత్స అందించగలిగితే అంత బతికే అవకాశాలు ఉంటాయి..ఏమాత్రం నిర్లక్ష్యం చేసిన ఆ మనిషి ప్రాణాలకే ముప్పు వాటిల్లుతుంది, అయితే ఆ గుండెపోటు ఏ సమయంలో.. ఎలాంటి పరిస్థుతులలో వస్తుందో ఎవరు ఊహించలేరు..కానీ ఈ మహమ్మారిని తానూ కనిపెట్టిన పరికరం ద్వారా ఆరుగంటల ముందే పసిగట్టవచ్చని 16 ఏళ్ళ ఆకాష్ మనోజ్ అంటున్నాడు.

గుండెపోటు akash manoj

తమిళనాడుకు చెందిన ఆకాష్‌ పదో తరగతి చదువుతున్నాడు. గుండెపోటు వచ్చే సూచనను తాను కనిపెట్టిన కొత్త టెక్నిక్‌ ద్వారా తెలుసుకోవచ్చని చెబుతున్నాడు. ఈ పరికరం కనిపెట్టిన ఆకాశ్‌ ‘ఇన్నోవేషన్‌ స్కాలర్స్‌ ఇన్‌ రెసిడెన్స్‌ ప్రోగ్రాం’ కింద రాష్ట్రపతి చేతుల మీదుగా బంగారు పతకాన్ని అందుకున్నాడు.

 గుండెపోటు akash manoj

ఈ సందర్భంగా ఆకాశ్‌ మాట్లాడుతూ.. ‘‘నిశ్శబ్దంగా వచ్చే గుండెపోట్లు ఈ మధ్య కాలంలో ఎక్కువైపోయాయి. చాలా మంది పైకి ఆరోగ్యంగానే కనపడతారు. గుండెపోటుకు సంబంధించిన ఎలాంటి లక్షణాలూ వారిలో కనిపించవు. ‘మా తాతయ్య ఆరోగ్యంగా కనిపించేవారు కానీ, ఓ రోజు ఉన్నట్టుండి గుండెపోటుతో కుప్పకూలిపోయారు.’ తాతయ్య మరణం నన్ను బాగా కలిచి వేసింది. గుండెపోటును ముందే కనిపెట్టే పరికరం ఏదైనా తయారు చేయాలనుకున్నా. అందులో భాగంగానే ఈ పరికరాన్ని తయారు చేశా. అయితే దీనిని ఇంకా అభివృద్ధి పరచాల్సి ఉంది. శరీరంపై ఎలాంటి గాయం చేయకుండా దీనిని ఉపయోగించవచ్చు’ అని రాష్ట్రపతి భవన్‌లో ప్రదర్శన సందర్భంగా పేర్కొన్నాడు. ‘రక్తంలో ఉండే ఎఫ్‌ఏబీపీ3 అనే చిన్న ప్రొటీన్‌ను ఉపయోగించి గుండెపోటు ప్రమాదాన్ని కనిపెట్టవచ్చు’ అని ఆకాశ్‌ తెలిపాడు. ముఖ్యంగా గ్రామీణ ప్రాంతాల్లో ఉండేవారికి ఈ పరికరం ఎంతో ఉపయోగకరంగా ఉంటుంది. గుండెపోటు ప్రమాదాన్ని ముందే గుర్తించి డాక్టర్‌ను సంప్రదించడం ద్వారా సరైన చికిత్స తీసుకోవచ్చని తెలిపాడు. ఈ పరికరాన్ని నిపుణుల సాయంతో అభివృద్ధి పరిచి ప్రజలకి అందుబాటులోకి తెస్తే ఎన్నో ప్రాణాలను కాపాడవచ్చు..!

Comments

comments