Video: గోల్డ్ షాప్ లో దొంగతనం చేసిన కోతి.

Author:

కోతి కదా కోతి పనులు చేస్తుంది… కానీ దొంగ పనులు చేస్తే..? మనిషైతే కేసు పెట్టటమో పట్టుకొని నాలుగు ఉతకటమో చేస్తాం గానీ కోతినేం చేసేదీ..? అసలు ఏమైనా చేయటానికి దొరకాలి కదా.. ఇలాంటి సంఘటనే ఈ మధ్య గుంటూరులో జరిగింది. ఆ కథేమిటంటే…

Monkey-robbery-video

గుంటూరు పట్టణంలో ఉన్న ఒక నగల షాప్ లోకి ఒక కోతి దర్జాగా తలుపు తోసుకొని మరీ వచ్చింది. అంతటితో ఆగలేదు మరీ దర్జా ఒలకబోస్తూ అప్పుడే పక్కకు వెళ్ళిన యజమాని కుర్చీలో సెటిలయ్యింది. అక్కడే ఉన్న ఏదో ఒక వస్తువుని తీసుకొని పగల గొడుతుందేమో..,లేదంటే కస్టమర్ల మీద దాడి చేస్తుందేమో అనుకున్న షాప్ ఓనర్ దాన్ని కాస్త అదిలించి బెదర గొట్టటానికి ప్రయత్నించాడు. అంతే మన కోతి గారికి కోపమొచ్చింది. వెంటనే క్యాష్ సొరుగు తెరిచి చేతికందిన నోట్లకట్ట తీసుకొని ఉడాయించింది. ఒకటీ రెండు కాదు ఏకంగా 10,000 రూపాయలని పట్టుకొని పారిపోవటంతో ఏం చేయాలో తెలియని ఆ షాప్ ఓనర్ తల పట్టుకున్నాడూ. స్టాఫ్ కొంత మంది దాని వెంట పడ్డారు కానీ అది వారి చేతికి దొరక్కుండా పారిపోయింది.

అయితే ఈ సంఘటనంతా అక్కడే ఉన్న సీసీ కెమెరాలో రికార్డయ్యింది. సరే డబ్బులెటూ పోయాయి కదా ఆ కోతిగారి ఘనకార్యాన్ని అందరికీ చుపిద్దామని దాన్ని యూట్యూబ్ లో పెట్టారు. ఇక చూస్కోండి మన దొంగ నా కోతి చేసిన కోతి పనికి నెటిజన్లు నవ్వాపుకోలేక షేర్ల మీద షేర్లు చేసి పడేస్తున్నారు. ఇప్పుడీ కోతి గారి చోర కళ వీడియో వైరల్ అయ్యింది,ఈ దొంగతనం కోతి తెలియక చేస్తే ఏం కాదు కాని, అదే ఎవరైనా కేటుగాళ్ళు కోతికి ట్రైనింగ్ ఇచ్చి మరి దొంగతనం చేయిస్తే పోలీసులకి దొంగ కోతిలతో కొత్త సవాల్ ఎదురైనట్లే అని అనుకుంటున్నారు ఈ వీడియోని చూసిన వాళ్ళు..!

(Visited 2,258 times, 191 visits today)