‘ఎక్స్ ప్రెస్ రాజా’ పాటలకు యంగ్ రెబెల్ స్టార్.

Author:

Prabhas attending Express Raja Movie Audio Launch

శర్వానంద్ హీరోగా నటిస్తున్న తాజా చిత్రం ‘ఎక్స్ ప్రెస్ రాజా’. వెంకటాద్రి ఎక్స్ ప్రెస్ సినిమాతో సూపర్ హిట్ దర్శకుడిగా పేరొందిన మేర్లపాటి గాంధీ ఈ సినిమాకి దర్శకత్వం వహిస్తున్నాడు. చిత్రం సంక్రాంతి కానుకగా ప్రేక్షకుల ముందుకు తీసుకురావడానికి నిర్మాతలు సన్నాహాలు చేస్తున్నారు. యూవి క్రియేషన్స్ బ్యానర్ పై ఇప్పటికే మిర్చి, రన్ రాజా రన్, జిల్ వంటి చిత్రాలను అందించిన నిర్మాతలు ప్రమోద్, వంశీలు ఈ  చిత్రానికి నిర్మాతలుగా వ్యవహరిస్తున్నారు.

అంతకు ముందు శర్వానంద్ హీరోగా, సుజిత్ అనే యంగ్ డైరెక్టర్ నీ పరిచయం చేస్తు ‘రన్ రాజా రన్ ‘ సినిమా నీ నిర్మించారు. యూవి క్రియేషన్స్ బ్యానర్ నిర్మాతలకు ప్రభాస్ కి మంచి స్నేహం ఉన్న సంగతి తెలిసిందే. ఇటివలే ప్రభాస్ పుట్టిన రోజు సందర్భంగా ‘ఎక్స్ ప్రెస్ రాజా’ ఫస్ట్ లుక్ ని విడుదల చేసిన చిత్ర యూనిట్ ఆ తర్వాత టీజర్ తో అభిమానులను ఆకట్టుకుంది. ఇప్పటికే షూటింగ్ పూర్తి చేసుకున్న ఈ చిత్రం యొక్క ఆడియోని డిసెంబర్ 19న విడుదల చేయనున్నారు. ఈ ఆడియో వేడుకకి ముఖ్య అతిధిగా యంగ్ రెబెల్ స్టార్ ప్రభాస్ హాజరుకానున్నారు.

(Visited 88 times, 18 visits today)