Home / Entertainment / విడుదలకు ముందే రికార్డులు సృష్టిస్తున్న ‘2.0’

విడుదలకు ముందే రికార్డులు సృష్టిస్తున్న ‘2.0’

Author:

సూపర్‌స్టార్‌ రజనీకాంత్‌, దర్శకుడు శంకర్‌ కాంబినేషన్ లో వచ్చిన ‘రోబో’ సినిమా ఎంత పెద్ద విజయం సాధించిందో చెప్పుకోవాల్సిన పనిలేదు, విడుదల అయిన అన్ని బాషలలో కోట్లు కొల్లగొట్టింది ఆ సినిమా. ఇప్పుడు అదే కాంబినేషన్ లో రోబో కి సీక్వెల్ గా ‘2.0’ సినిమా తెరకెక్కుతోంది. 400 కోట్ల భారి బడ్జెట్ తో నిర్మితమవుతున్న ఈ సినిమా విడుదలకు ముందే ఇంతకుముందు ఉన్న కొన్ని రికార్డులను బ్రేక్ చేసింది. ‘2.0’ చిత్రం తెలుగు, తమిళ్‌, హిందీ బాషల శాటిలైట్‌ ప్రసార హక్కుల రూపంలో విడుదల కు ముందే నిర్మాతలకు రూ.110 కోట్లు తెచ్చిపెట్టి కొత్త రికార్డు సృష్టించింది. ఈ మధ్యకాలంలో శాటిలైట్‌ ప్రసార హక్కుల రూపంలో 110 కోట్లు సాధించిన సినిమా ఏదీ లేదు.

rajini 2.0 satellite rights

‘2.0’ సినిమాలో సూపర్‌స్టార్‌ రజనీకాంత్‌ కి ప్రతినాయకుడిగా బాలీవుడ్‌ హీరో అక్షయ్‌ కుమార్‌ నటిస్తుండగా అమీ జాక్సన్‌ కథానాయికగా నటిస్తుంది. లైకా ప్రొడక్షన్‌ పతాకంపై నిర్మితమవుతున్న ఈ సినిమాకు రెహమాన్‌ సంగీతం అందిస్తున్నారు. ఈ చిత్రం ఈ సంవత్సరం దీపావళికి ప్రేక్షకుల ముందుకు రానుంది.

(Visited 255 times, 8 visits today)