గతంలో మాదిరే.. ఈసారీ ఫేస్ బుక్ హ్యాకింగ్ కు గురైంది. వెబ్‌సైట్‌ భద్రత వ్యవస్థలోని ఓ లోపాన్ని వినియోగించుకుని.. దాదాపు 5 కోట్ల ఖాతాల మంది సమాచారాన్ని హ్యాకర్లు తస్కరించి ఉంటారన్న విషయాన్ని ఫేస్ బుక్ సీఈవో మార్క్ జుకర్ బర్గ్ వెల్లడించారు. వెబ్ సైట్ భద్రత వ్యవస్థలోని ఒక లోపాన్ని ఆధారంగా చూసుకొని హ్యాకర్లు ఫేస్ బుక్ కు షాకిచ్చారు.

వినియోగదారుల ఖాతాలేవైనా దుర్వినియోగమయ్యాయా అన్న సంగతి ఇంకా తెలియదని చెప్పారు. ఇది తీవ్రమైన సమస్యేనని ఆయన పేర్కొన్నారు. ఇతరులకు మన ఖాతా ఎలా కనిపిస్తుందన్నది తెలుసుకునేందుకు వీలు కల్పించే ‘వ్యూ ఆజ్‌’ ఫీచర్‌లో ఈ లోపం ఉందని..

దీన్ని తాత్కాలికంగా నిలిపివేశామని చెప్పారు. ఈ ఫీచర్‌ను వినియోగించిన 4 కోట్ల ఖాతాదారుల యాక్సెస్‌ టోకెన్లను.. ముందుజాగ్రత్త చర్యగా మార్చివేశామని ఫేస్‌బుక్‌ పేర్కొంది. హ్యాకింగ్‌ ఘటనపై సంబంధిత ప్రభుత్వ విభాగానికి ఫిర్యాదు చేసినట్లు తెలిపింది.అందుకే.. సోషల్ మీడియా వేదిక ఏదైనా.. మీ వ్యక్తిగత సమాచారాన్ని వీలైనంత తక్కువగా ఇవ్వటం చాలా ముఖ్యమన్నది ఇప్పటికైనా గుర్తించండి.