Cast: కార్తీ, అదితి రావు హైదరి, లలిత,శ్రద్ధ శ్రీనాథ్, ఆర్.జె.బాలాజీ..తదితరులు
Directed by: మణిరత్నం
Produced by: మణిరత్నం, శిరీష్
Banner: మద్రాస్ టాకీస్
Music Composed by: ఎ.ఆర్.రెహమాన్
మణిరత్నం సినిమాలు అంటేనే అద్భుత దృశ్యకావ్యలు, అయన సినిమాలకి ప్రపంచ వ్యాప్తంగా ప్రేక్షకులు ఉన్నారు, ప్రేమకథలని అద్భుతంగా తీయడంలో మణిరత్నం శైలే వేరు, గీతాంజలి,`దిల్సే`, ‘రోజా’ `బొంబాయి`, `సఖి`, `ఓకే బంగారం` చిత్రాలతో ఓ చరిత్ర సృష్టించారు. తాజాగా మరోసారి ప్రేమకథతో చెలియా తీశారు. కార్తీ, అదితి రావు నటించిన చెలియా సినిమా ఈరోజు విడుదల అయింది, ఆ సినిమా ఎలా ఉందో మీరు తెలుసుకోండి.
వరుణ్ అలియాస్ వీసీ (కార్తి) కాశ్మీర్లో ఇండియన్ ఏవియేషన్ ఫైటర్ పైలట్ గా పని చేస్తుంటాడు. అక్కడే డాక్టర్ గా పనిచేస్తుంటుంది లీలా (అదితి రావు హైదరి). ఒక ప్రమాదంలో గాయపడిన వీసీకి లీలా చికిత్స చేస్తుంది, ఆ తర్వాత ఇద్దరికి పరిచయం పెరిగి.. దగ్గరవుతారు. కొన్ని కారణాల వల్ల వీరిద్దరూ విడిపోతారు. అదే సమయంలో యుద్ధం వస్తుంది. ఆ యుద్ధంలో పాల్గొన్న వీసీ, శత్రు సైన్యానికి చిక్కుతాడు. యుద్ధ ఖైదీగా చిక్కి బంధించబడుతాడు,. మరి అక్కడి నుంచి అతను బయటపడ్డాడా..? తిరిగి తన ప్రేయసిని కలిశాడా..? అసలు వాళ్ళిద్దరి మధ్య వచ్చిన సమస్య ఏమిటి..? అన్నది తెరమీదే చూడాలి.
సంఘర్షణతో కూడిన ఓ ప్రేమకథని యుద్ధం నేపథ్యంతో ముడిపెట్టి తెరకెక్కించిన చిత్రమిది. మణిరత్నం తన మార్క్ కథ, కథనాలు, క్యారెక్టరైజేషన్తో సన్నివేశాల్ని తీర్చిదిద్దారు. ప్రతీ ఫ్రేమ్ చూడముచ్చటగా ఉంటుంది. ఎ.ఆర్. రెహమాన్ సంగీతం ఆ సన్నివేశాల్ని మరో స్థాయికి తీసుకెళ్లింది. ఒక సున్నితమైన ప్రేమకథకి దర్శకుడు మణిరత్నం యుద్ధం నేపథ్యాన్ని… ఫైటర్ పైలట్ పాత్రని ఎంచుకొన్నాడు. దాంతో ఈ కథలో మరింత సంఘర్షణతో సాగుతుంది. వరుణ్ జైల్లోఉంటూ తన ప్రేయసి లీలాతో ముడిపడ్డ జ్ఞాపకాల్నిగుర్తు చేసుకొంటుంటాడు. తొలి సగభాగం సన్నివేశాలన్నీ లీలా, వరుణ్ పరిచయం… ఆ ఇద్దరి మధ్య ప్రేమ చిగురించడం వంటి సన్నివేశాలతో సాగిపోతాయి. ఒకరి వ్యక్తిత్వాల గురించి మరొకరికి తెలిసిపోతాయి. విరామానికి ముందే కథలో అసలు మలుపు మొదలవుతుంది. ఆ తర్వాత నుంచే కథ మరింత రక్తి కడుతుంది. ఒక పక్క వరుణ్ -లీలాల మధ్య ప్రేమకథలో వచ్చిన మలుపు… మరోపక్క జైల్లో నుంచి బయటికొచ్చిన వరుణ్ కోసం శత్రు సైన్యం అన్వేషణ సాగించడంవంటి సన్నివేశాలతో సినిమా ఆసక్తికరంగా మారుతుంది. పతాక సన్నివేశాలు మాత్రం మళ్లీ మణి రత్నం మార్క్ కన్వర్జేషన్తో ముగుస్తుంది. ఆ సన్నివేశాలు ప్రేక్షకులకు అంతగా రుచించవు.
కార్తీ: కార్తి కి ఇది కెరీర్ బెస్ట్ పెర్ఫామెన్సెస్ లో ఒకటనడంలో సందేహం లేదు. తన ప్రేయసికి తన ప్రేమను వ్యక్త పరిచే సన్నివేశాల్లో కార్తి నటన మెప్పిస్తుంది, కార్తిలో ఇంత ఇంటెన్స్ యాక్షన్ ఎప్పుడూ చూసి ఉండరు.
అదితి: అదితిరావు తన టిపికల్ అందంతో.. హావభావాలతో ఆకట్టుకుంది. ఆమె కళ్లతో పలికించిన భావాలు వావ్ అనిపిస్తాయి.
మిగిలిన నటులంతా తమ పాత్రల పరిధి మేరకు నటించారు.