ఈ సంక్రాంతి పెద్ద హీరోల సినిమాలతో ప్రేక్షకులను అలరించనుంది. దాదాపు 13 సంవత్సరాల తరువాత మెగాస్టార్ చిరంజీవి, నటసింహం బాలకృష్ణ సంక్రాంతి బరిలో నిలిచారు. మొదటుగా జనవరి 11 న చిరంజీవి ఖైదీ నెంబర్ 150 విడుదల అవుతుండగా ఆ తరువాత 12న బాలయ్య నటించిన గౌతమిపుత్ర శాతకర్ణి విడుదల అవుతున్నాయి. వీటితో పాటు శర్వానంద్ సినిమా శతమానంభవతి కూడా సంక్రాంతి బరిలో నిలిచి 14న విడుదల కానుంది.

రాజకీయాలకు రాకముందు చివరి సారిగా 2004 లో చిరంజీవి నటించిన “అంజి” సినిమా మరియు బాలయ్య నటించిన “నరసింహా నాయుడు” సంక్రాంతి కి పోటీ పడ్డాయి అందులో “నరసింహా నాయుడు” సినిమా ఎక్కువ కలెక్షన్లు సాధించింది. ఇప్పుడు మళ్ళీ 13 సంవత్సరాల తరువాత సంక్రాంతి కి ఇద్దరు పెద్ద హీరోల సినిమాలు రాబొతున్నాయి. ఇందులో ఎవరిది పైచేయి అయినా కాని ప్రేక్షకులకు మాత్రం సినిమా పండుగ అనే చెప్పాలి. ఈ సంక్రాంతికి వస్తున్న అన్ని సినిమాలు పెద్ద విజయాలు సాధించాలని కోరుకుంటూ..మా అలజడి టీం తరపున ఆల్ ద బెస్ట్.