మాములుగా మనం వారం వారం తినే కోడి మాంసం రేటు రూ.100 నుండి రూ.200 మధ్యలో ఉంటుంది, కోడి గుడ్లు మన చిన్నప్పుడు రూపాయికి ఒకటి వచ్చేది, ఇప్పుడైతే రూ.5 కి ఒకటి వస్తుంది, కానీ మన దేశంలో దొరికే కడక్నాథ్ అనే జాతి కోడి మాంసం రేటు కిలోకి 900 రూపాయలు, దాని కోడి గుడ్డు ఒక్కటి 50 రూపాయలు దాకా ఉంటుంది, ఈ కోడి పిల్లలను డిమాండ్ ని బట్టి రూ.150 నుండి రూ.200 వరకు అమ్ముతారు. ఈ కోడి రూపంలో పూర్తిగా నలుపు రంగులోనే ఉంటుంది, కోడి గుడ్లు మాత్రం పెద్దగా ఉండి తెలుపు, ఎరుపులు కలిసిన రంగులో ఉంటాయి.
కడక్నాథ్ జాతి కోళ్లు ఎక్కువగా మధ్య ప్రదేశ్ రాష్ట్రంలో దొరుకుతాయి, ఈ మధ్య కాలంలో చాలా చోట్ల ప్రత్యేక షెడ్లని వేసి ఈ జాతి కోళ్ళని పెంచుతున్నారు, మన తెలుగు రాష్ట్రాలలో కూడా హైదరాబాద్ , విజయవాడ శివార్లలో పెంచుతున్నారు, ఈ కోళ్ల మాంసం తినడం ఆరోగ్యానికి మంచిది కావడంతో వీటికి డిమాండ్ కూడా బాగా పెరిగిపోయింది.
Also Read: రోజు ఇలా 5 నిముషాలు చేస్తే నెల రోజులలో పొట్టని పూర్తిగా తగ్గించుకోవచ్చు.