ముంబయిలోని ఘట్ కోపర్ ప్రాంతం అది. అక్కడ గల్లీలో పిల్లలందరూ ఫుట్ బాల్ ఆడుతున్నారు. ఆ సమయంలో ఓ బాలుడు షూ లేస్ కట్టుకునేందుకు రోడ్డు పై పార్క్ చేసి ఉన్న కారు పక్కన కూర్చున్నాడు. అదే సమయంలో ఒక యువతి ఆ కారు ఎక్కి ముందు చూసుకోకుండా నిర్లక్ష్యంగా బాలుడి మీద నుంచి కార్ డ్రైవ్ చేసింది.

అయితే అదృష్టం కొద్దీ ఆ బాలుడు కారు మధ్యకు వెళ్లడంతో పెను ప్రమాదం తప్పింది. కారు వెళ్లిన తర్వాత బాలుడు లేచి తన స్నేహితుల దగ్గరికి పరిగెత్తుకుంటూ వెళ్లిపోయిన విజువల్స్ అక్కడి సీసీటీవీ కెమెరాలో రికార్డ్ అయ్యింది. బాలుడికి స్వల్ప గాయాలయైనట్లు తెలుస్తోంది. ప్రస్తుతం ఈ వీడియో సోషల్ మీడియాలో వైరల్ అవుతోంది.