Home / Videos / Video: మై విలేజ్ షో… మస్తుంది రా బై…!

Video: మై విలేజ్ షో… మస్తుంది రా బై…!

Author:

రెండు, మూడు సంవత్సరాల నుండి యూ ట్యూబ్ వీడియోల హవా పెరిగిపోయింది, జియో ఎఫెక్ట్ తో డేటా రేట్లు బాగా పడిపోవటం, స్మార్ట్ ఫోన్లు చిన్న చిన్న గ్రామాలలోకి ప్రవేశించడం వల్ల యూట్యూబ్ వీడియోలు చూసేవాళ్ళతో పాటు, తీసేవాళ్ళు కూడా బాగా పెరిగిపోయారు, షార్ట్ ఫిలిమ్స్, డాన్స్ వీడియోలు, సినిమా వీడియోలు అంటూ రకరకాల వీడియోలు వస్తున్నాయి, ఇలాంటి వీడియోల్లో కొన్ని విసుగు తెప్పించేవి ఉంటే మరికొన్ని సూపర్బ్ వీడియోలు ఉంటాయి, ఇలా తెలంగాణ గ్రామీణ జీవితాలని కళ్ళకు కట్టినట్లు చూపిస్తూ, ఊరిలో ఉండే మనుషుల మధ్య జరిగే విషయాలనే కాన్సెప్ట్ గా తీసుకోని కొంతమంది యువకులు My Village Show అనే యూట్యూబ్ ఛానల్ ద్వారా జనాలు ఫుల్ గా నవ్వుకునేలా చేస్తున్నారు.

వీరి వీడియోలలో పెద్ద పెద్ద లొకేషన్లు, పేరొందిన యాక్టర్ లు ఎవరు ఉండరు, ఊర్లో ఉండే మనుషులే ప్రధాన పాత్రధారులు, ప్రతి ఊర్లో, ప్రతి ఇంట్లో జరిగే విషయాలే వీరికి కాన్సెప్ట్, చిన్న చిన్న కాన్సెప్ట్ లతో మంచి మంచి డైలాగ్స్ తో అందరు ఫిదా అయ్యేలా ఊర్లోనే ఉంటూ వీడియోలు తీసేస్తున్నారు.

My Village Show మై విలేజ్ షో

ఎం.టెక్ చేసి ఇంజనీరింగ్ కాలేజీలో ఫ్యాకల్టీగా చేస్తూ ఆ పని నచ్చక సమాజానికి ఏదో ఒకటి చేయాలనీ యూట్యూబ్ ఛానెల్ ని ప్రారంభించి సమాజానికి ఉపయోగపడే ఆలోచలతో వీడియోలు తీస్తుండేవాడు కరీంనగర్ కి చెందిన శ్రీకాంత్, కానీ ఆ వీడియోలకి ఎక్కువ ఆదరణ లభించకపోయేది, సమాజానికి ఉపయోగపడే వీడియోలలో ఎంటర్టైన్మెంట్ ని కలిపి చూపిస్తే కచ్చితంగా హిట్ అవుతుందని భావించి My Village Show పేరుతో గ్రామీణ జీవితాన్ని అద్భుతంగా చూపిస్తూ ప్రేక్షకులని ఆకట్టుకున్నాడు.

మై విలేజ్ షో

ఈ వీడియోలలో చూపించే ఊరు లంబాడిపల్లి, ఇది జగిత్యాల జిల్లా కొండగట్టుకు 7 కిలోమీటర్ల దూరంలో ఉంటుంది, అతి తక్కువ ఖర్చుతో ఊర్లో ఉండే మిత్రుల సహకారంతో స్క్రిప్ట్, ఎడిటింగ్, మిక్సింగ్ పనులు చేసుకుంటూ అతి తక్కువ సమయంలోనే పాపులర్ అయ్యారు. ఊర్లోనే ఉంటూ నలుగురికి పని కల్పిస్తూ ఊరి అభివృద్ధికి కూడా సహాయం చేస్తూ అందరికి ఆదర్శంగా నిలుస్తున్నారు ఈ ఛానెల్ బృందం.

(Visited 558 times, 1 visits today)