క్రికెట్ దేవుడు సచిన్ టెండుల్కర్ పేరు వినని భారతీయుడుండడు. సచిన్ అభిమానులు చాల మంది సచి ఔట్ ఐతే టీవీలు ఆఫ్ చేసి మ్యాచ్ చూడడమే మానేసేవారు. అలాంటి సచిన్ ఒకే ఒకసారి టెస్ట్ మ్యాచులో స్టంపౌట్ అయ్యాడు. దానికి కారణం మాత్రం నేనే అని ప్రకటించాడు వీరేందర్ సెహ్వాగ్. 2001 లో భారత్, ఇంగ్లాండ్ మధ్య టెస్ట్ మ్యాచు జరుగుతుంది. అప్పటికే 5 వికెట్లు కోల్పోయి కష్టాల్లో ఉన్న భారత్ ను సచిన్ 90 పరుగులు సాధించి ఆదుకున్నాడు. వికెట్ కోసం ఇంగ్లాండ్‌ స్పిన్నర్‌ ఆష్లే గైల్స్‌ తనకు తెలిసిన అన్ని ప్రయోగాలు చేస్తున్నాడు. ఔట్ కావోద్దన్న ఉద్దెశ్యంతో ఉన్న సచిన్ అతని బంతులని జగ్రత్తగా బ్యాటు, ప్యాడుతొ ఆపుతున్నాడు.

ఇంతలో సచిన్ దగ్గరికి వచ్చిన సెహ్వాగ్, గైల్స్‌ బంతులు అంతగా స్పిన్ కావట్లేదని, ముందుకు వచ్చి ఆడినా ఎం ప్రమాదం ఉండదని చెప్పాడట. సెహ్వాగ్ మాటలు నమ్మిన సచిన్ ముందుకు వచ్చి అడే ప్రయత్నం చేసాడు. కాని విచిత్రంగా ఆ బంతి స్పిన్ తిరిగి కీపర్ చేతికి వెళ్ళడంతో సచిన్ స్టంపౌట్ అయ్యాడని సెహ్వాగ్ పాత ముచ్చట్లు చెప్పాడు. సచిన్ టెస్ట్ కెరీర్ లోనే మొదటి మరియు చివరి స్టంపౌట్ కూడా అదే, మరోసారి ఎప్పుడు సచిన్ స్టంపౌట్ అవ్వలేదు. దానితో బయపడిన సెహ్వాగ్ ఆ రోజు డ్రెస్సింగ్‌ రూంకే వెళ్లలేదట, అంపైర్ల ఉండే గదిలోనే ఉండిపోయాడట.