బాహుబలి ఈ సినిమా పేరు చెబితే చాలు తెలుగు సినీ పరిశ్రమలో అంతకు ముందు ఆ తరువాత అనే విధంగా మారింది. ఒక మామూలు ప్రాంతీయ చిత్రం దేశంలో అన్ని రాష్ట్రాలలో ఎవరు ఊహించని వసూళ్లు రాబట్టి అందరిని ఆశ్చర్యానికి గురిచేసిన సినిమా. తెలుగు సినిమా వైభవాన్ని ప్రపంచానికి చాటి చెప్పింది. ఇక ఇప్పుడు బాహుబలి 2 వస్తుంది. మొదటి భాగం పెంచిన అంచనాలను రెండవ భాగం అందుకోవాలని ఎన్నో రేట్లు మించేలా చాలా పకడ్బంధింగా తెరకెక్కిస్తున్నారు దర్శకదీరుడు రాజమౌళి గారు. ఈ సినిమా వచ్చే ఏప్రిల్ నెలలో ప్రపంచ వ్యాప్తంగా విడుదల కానుంది.కానీ ఈ సినిమా ఇప్పటినుండే వార్తల్లో నిలుస్తుంది.

మొదటి భాగంలో ప్రమోషన్స్ విషయంలో కొత్త పంథాని ఎంచుకొని ఎవరు ఊహించని విధంగా ప్రమోషన్స్ చేశారు. అలాగే ఇప్పుడు కూడా అలాంటి ఆలోచనతోనే బాహుబలి టీం ఉన్నట్టు తెలుస్తుంది. ఇక రెండవ పార్ట్ అయినా బాహుబలి 2 విడుదలకు ముందే వార్తల్లో నిలుస్తుంది దానికి కారణం ప్రీ రిలీజ్ బిజినెస్. తాజాగా బాహుబలి 2 హిందీ వెర్షన్ శాటిలైట్ హక్కులను ప్రముఖ టీవీ నెట్ వర్క్ అయిన సోనీ 51 కోట్లకు కొనుగోలు చేసిందట!. ఒక ప్రాంతీయ చిత్రం బాలీవుడ్ లో అంత మొత్తంలో కొనుగోలు జరగటం ఇదే మొదటి సారి అంటున్నారు సినీ పెద్దలు.