అత్యవసర ఫోన్ కాల్ మాట్లాడుతున్నప్పుడు ఫోన్ లో బ్యాలెన్స్ అయిపోతే ఎంత చిరాకేస్తుందో, ఇక ఆ సమయంలో రీఛార్జ్ చేసుకునే సదుపాయం కూడా అందుబాటులో లేకపోతే కోపం నషాళానికి తాకుతుంది. వినియోగదారుల సౌకర్యం కోసం ఇలా అత్యవసర సమయాల్లో అసహనానికి లోను కాకుండా లోను అందిస్తున్నాయి టెలికామ్ సంస్థలు. ఈ విషయం అందరికీ తెలిసినప్పటికీ, ఎలా లోను తీసుకోవాలో తెలియక ఇబ్బంది పడుతుంటారు. అందుకే మేము అన్ని రకాల సిమ్ కార్డులు ఉపయోగిస్తున్న వినియోగదారులకు ఆయా నెట్ వర్క్ నుండి ఎలా లోను పొందాలో వివరాలు ఇక్కడ అందిస్తున్నాం.

ఎయిర్‌టెల్:
మీ ఫోన్ బ్యాలన్స్ 5 రూపాయల కన్నా తక్కువుంటే మీరు లోన్ పొందొచ్చు. ఇందుకోసం మీరు మీ మొబైల్ నుంచి *141*10#కు గాని లేదా 52141 కాల్ చేయాలి. మీరు వెంటనే రూ. 10 టాక్ టైం పొందుతారు.
ఎయిర్ టెల్ డేటా లోన్ కోడ్:
డేటా లోన్ కావాలంటే *141*567# కు కాల్ చేసి పొందవచ్చు. ఇది మీకు రెండు రోజుల వ్యాలిడితీ 50 ఎంబీ వరకు వస్తుంది. మీ తరువాత రీఛార్జ్ లో రూ. 15 ఎయిర్ టెల్ తీసుకుంటుంది.
వొడాఫోన్:
మీరు 1241కి కాల్ చేసి పొందవచ్చు. ‘SMS CREDIT’ to 144కి ఎసెమ్మెస్ చేయడం ద్వారా పొందొచ్చు. దీంతో పాటు *111*10# నంబర్ కి కాల్ చేసి 10 రూపాయలు పొందవచ్చు. తర్వాత రీఛార్జి చేపిస్తే మీ నుంచి తరువాత రూ. 13 తీసుకుంటారు.
వొడాఫోన్ డేటా లోన్ కోడ్:
*111*10# నంబర్ కి కాల్ చేయడం ద్వారా 30 MB of 3G 1 రోజు వ్యాలిడితో వస్తుంది. ఆ తరువాత 10రూపాయలు మీ బ్యాలెన్స్ నుండి తీసుకుంటారు.
బిఎస్ఎన్ఎల్:
బిఎస్ఎన్ఎల్ కష్టమర్లు SMS CREDIT’ to 53738 ద్వారా రూ. 10 టాక్ టైం పొందవచ్చు. మీరు 24 గంటల్లోగా రీఛార్జి చేయకుంటే ఆ తరువాత మీ నుంచి 11రూపాయలు కట్ చేస్తారు.

టెలినార్:
టెలినార్ వినియోగదారులు *141# డయల్ చేసి, స్కీఎం పై చూపించిన ఆప్షన్స్ లో 5 రూపాయల లోన్ ని సెలెక్ట్ చేసుకోవటం ద్వారా లోను పొందవచ్చు. తదుపరి రీచార్జ్ నుండి మీ అకౌంట్ నుండి 6 రూపాయలు చెల్లించవలసి ఉంటుంది.
రిలయన్స్:
రిలయన్స్ కష్టమర్లు *141*5# డయల్ చేయడం ద్వారా 10 రూపాయలు టాక్ టైం లోన్ పొందుతారు. *141*10# ఈ నంబర్ కి కాల్ చేసినా మీకు ఆఫర్ వస్తుంది. YCR’ అని టైప్ చేసి 51234 మెసేజ్ చేసినా మీరు పొందవచ్చు.
ఐడియా:
ఐడియా కష్టమర్లు *150*06#కి డయల్ చేయడం ద్వారా 25 ఎంబీ డేటాను రెండు రోజుల పాటు పొందవచ్చు. దీనికోసం ఐడియా మీ నుంచి ఆరు రూపాయలు ఛార్జ్ చేస్తుంది. *150*333# ఈ నంబర్ కి డయల్ చేయడం ద్వారా 35 MB 3G డేటా మీ అకౌంట్ లో క్రెడిట్ అవుతుంది. దీనికి తరువాత 11 రూపాయలు ఛార్జ్ చేస్తారు.