చనిపోయిన వారిని మళ్లీ బ్రతికించొచ్చా అంటే కొంతవరకూ ప్రయత్నం చేస్తాం అంటు న్నారు స్వీడిష్ శాస్త్రవేత్తలు.ఇప్పుడు ప్రపంచం అంతా కృతిృమ మేథ (ఆర్టి ఫిషియల్ ఇంటెలిజెన్స్ )AI చుట్టూ తిరుగుతోంది. ఆ మధ్య శాస్త్ర వేత్తలు ‘సోఫియా అనే AI గల రోబోట్ తో మానవుల ఇంటరాక్షన్ కూడా నిర్వహించారు. అయితే తాజాగా మరో సంచలనానికి స్వీడన్ శాస్త్రవేత్తలు తెరలేపారు.
చనిపోయిన మనుషులను రోబోటిక్ క్లోన్ల రూపంలో తిరిగి పుట్టించేందుకు ఈ AI సాంకేతికతను వాడుకోబోతున్నారు. దీని ద్వారా చనిపోయిన వ్యక్తి గొంతును తిరిగి సృష్టించవచ్చట. ఈ ప్రయోగాలను స్వీడిష్ అంత్యక్రియల నిర్వహణా సంస్ధ ఫోనిక్స్ ఆధ్వర్యంలో జరగనుంది.
ఎలా సాధ్యమవుతుంది?
ఇందుకోసం మృత దేహాలను ఖననం చేయకుండా దాచిపెట్టే ఇండోనేషియా కు చెందిన ‘టోరోజెన్ ” తెగ సహాయం తీసుకొంటున్నారు. వారు తమ కుటుంబ సభ్యుల మృతదేహాలను ఇంట్లోనే ప్రత్యేక గదిలో ఉంచి ప్రతిరోజు దానిని శుభ్రపరచటమే కాక ఆహారం కూడా అందిస్తారు. మృతదేహాలు పాడవకుండా ‘ఫార్మాలిన్ ‘ ద్రావణాన్ని ఎక్కిస్తారు. ఈ మృతదేహాల సహాయంతో ప్రయోగాలు చేయాలని ఫోనిక్స్ సంస్ధ భావిస్తోంది. అంతే కాదు ఎవరైనా మృతదేహాలను స్వచ్ఛందంగా ఇస్తే వాటితో పరిశోధనలు జరుపుతామంటోంది.
ఇప్పటి వరకు తెలిసిన వివ రాల ప్రకారం ఈ రోబోటిక్ క్లోన్స్ చనిపోయిన వ్యక్తుల రూపు రేఖలు పోలిఉంటాయి.వారి గొంతును కలిగి ఉంటాయి. ఇంకా వారి రోజు వారీ జీవనశైలి కి సంబంధించిన చిన్నచిన్న ప్రశ్నలకు జవాబులు కూడా చెప్ప గలుగుతాయట. మరణించిన వారి ఙ్ఞాపకాలను మళ్ళీ కళ్ళ ముందు నిలిపే ఈ ప్రయత్నం వాస్తవ రూపం దాల్చాలని ఆశిద్దాం.