అనంత్ అంబానీని ఇటీవల చూసిన వారెవ్వరైనా ఆశ్చర్యానికి గురవుతున్నారు. ఎందుకంటే గతంలో అధిక బరువుతో కొండలా కనిపించే ఆయన.. ఇప్పుడు ఎంతో సన్నబడి స్మార్ట్‌గా కనిపించడమే కారణం. ఇంత మార్పు ఎలా సాధ్యమైందబ్బ అని గుసగుసలాడుకుంటున్నారు. కాగా, ఇండియన్ ప్రీమియర్ లీగ్ మ్యాచ్‌ల సందర్భంగా తమ ముంబై జట్టుతో సందడి చేసిన అనంత్ … భారీ కాయంతో దర్శనమిచ్చాడు. అయితే ఇప్పుడు ఏకంగా, 180 కేజీల బరువున్న అతడు కేవలం 18 నెలల్లో బాగా కష్టపడి 108 కేజీల తగ్గిపోయి .. చక్కగా స్లిమ్ గా తయారయ్యాడు.

కాగా, అతడు సన్నబడేందుకు చాలా వరకు సహజ మార్గాలనే అనుసరించాడు.అమెరికాకు చెందిన నిపుణులైన ట్రైనర్స్ సహాయంతో అనంత్ అంబానీ 18 నెలల్లో 108 కిలోల బరువు తగ్గాడు. అంటే నెలకు దాదాపుగా 6 కిలోల బరువు తగ్గాడన్నమాట. అయితే బరువు తగ్గేందు కోసం ముందుగా అనంత్ రోజూ దాదాపు 21 కిలోమీటర్ల పాటు వాకింగ్ చేశాడట. జామ్‌నగర్‌లోని రిలయన్స్ కంపెనీకి చెందిన రిఫైనరీలో ఉన్న తోటలో అతను రోజూ వాకింగ్‌కు వెళ్లేవాడట.వాకింగ్ చేస్తూ మధ్య మధ్యలో యోగా, హై ఇంటెన్సిటీ కార్డియో వర్కవుట్ (గంటకు 10 కిలోమీటర్ల వేగంతో పరిగెత్తడం), వెయిట్ ట్రెయినింగ్ వంటివి చేసే వాడు. ఇదంతా చేసేందుకు అనంత్‌కు రోజూ దాదాపు 5, 6 గంటల సమయం పట్టేది.

ఆరంభంలో దాదాపు 3 నెలల పాటు అతను అంతగా బరువు తగ్గలేదు. కానీ ఆ తరువాత అతని దేహంలో ఆశ్చర్యకరమైన మార్పులు వచ్చాయి. రోజూ కచ్చితమైన నియమాలను పాటిస్తుండడంతో అతని శరీరం నుంచి కొవ్వు కరగడం ప్రారంభమైంది.

అనంత్ ఇలా మారడం కోసం అతడి తల్లి నీతా అంబానీ అన్ని దగ్గర ఉండి చూసుకున్నారట. అనంత్ చిన్నతంలో ఆస్తమాతో బాధపడేవాడు. ఆ సమయంలో వాడిన మందుల వల్ల భారీ స్థూలకాయం వచ్చిందని తెలిసింది. ఇదే రీతిలో ఉంటే భవిష్యత్తులో మరిన్ని ఇబ్బందులు ఎదుర్కొనే అవకాశం ఉందని వైద్యులు హెచ్చరించారు. దీంతో తన బరువును భారీగా తగ్గించుకున్నాడు. జంతు ప్రేమికుడైన అనంత్ ప్రస్తుతం యూఎస్‌లోని బ్రౌన్ యూనివర్సిటీలో చదువుతున్నారు. కాగా, ఐపిఎల్ సీజన్ ప్రారంభమైన నేపథ్యంలో మరోసారి అనంత్ తన స్లిమ్ లుక్‌లో స్టేడియంలో సందడి చేసే అవకాశం లేకపోలేదు.