LPG(వంటకు వినియోగించే గ్యాస్) ఒకప్పుడు ధనిక వర్గం వారే ఉపయోగించేవారు. గత కొద్దీ రోజులుగా ప్రభుత్వాలు పేద ప్రజలకు కూడా గ్యాస్ అందించాలని చాలా విస్తృత ప్రచారంతో గ్రామలలో కూడా చాలా వరకు గ్యాస్ కనెక్షన్ కలిగినవారు ఉన్నారు. వినియోగదారులు ఎక్కువ కావడంతో దురదృష్ట సంఘటన జరిగితే వారికి కేంద్రప్రభుత్వం బీమారక్షణ కలిపించాలని నిర్ణయం తీసుకుంది. గ్యాస్ వలన ఏదైనా దురదృష్టమైన సంఘటన జరిగితే లిఖిత పూర్వకంగా గ్యాస్ డీలర్ కు తెలియజేయాలి. ఈ విషయాన్నీ వారు సంబంధింత ప్రాంతీయ కార్యాలయానికి, బీమా కంపెనికి తెలియజేస్తారు. ప్రమాదం కారణంగా తలెత్తే బీమా క్లెయిమ్ లకు చేయవలసిన పనులన్నింటిని పూర్తీ సహకారం అందించడానికి ఆయిల్ కార్పొరేషన్లు ముందుకు వచ్చాయి.ఇన్సూరెన్స్ కంపెనీలు ఇచ్చే బీమాని పొందడానికి ఎటువంటి ప్రత్యేక రుసుము చెల్లించాల్సిన అవసరం లేదు, గ్యాస్ కనెక్షన్ తీసుకుంటే ఆ వ్యక్తి కుటుంబ సభ్యులందరికి ఉచితంగా బీమా వర్తిస్తుంది.
పబ్లిక్ లయబిలిటీ బీమా పాలసీ ఏవిధంగా వర్తిస్తుందో చూద్దాం :
ఇన్సూరెన్స్ కంపెనీలు ఇచ్చే ప్రమాద బీమాని పొందాలంటే ప్రమాదం జరిగిన వెంటనే సంబంధిత గ్యాస్ డీలర్ కి సమాచారం ఇవ్వాలి, బీమాకి కావాల్సిన పేపర్స్ ని అందజేయాలి. గ్యాస్ ప్రమాద బీమాలో గ్యాస్ కంపెనీ బీమాతో పాటు థర్డ్-పార్టీ కంపెనీ బీమా కూడా ఉంటుంది.బీమా కంపెనీ వాళ్ళు విచారణ చేసి బీమా డబ్బులని బాధితులకి అందిస్తారు.
గ్యాస్ వినియోగ దారులు తీసుకోవలసిన జాగ్రత్తలు :
గ్యాస్ ప్రమాదం జరిగితే బాధితులకి బీమా సౌకర్యం ఉంటుందని చాలా మందికి తెలియదు, దురదృష్టవశాత్తు గ్యాస్ ప్రమాదాలు జరిగితే టోల్ ఫ్రీ సంఖ్య 18002333555 లేదా 1906 కి ఫోన్ చేయాలి.