ప్రిన్స్ మ‌హేష్‌బాబు వ‌న్‌, ఆగ‌డు లాంటి రెండు ప్లాప్ సినిమాల త‌ర్వాత మ‌హేష్‌ సినిమాల విషయంలో ముందు కంటే స్పీడ‌ప్ అయ్యాడు. లేటెస్ట్ బ్లాక్‌బ‌స్ట‌ర్ శ్రీమంతుడు సినిమా మ‌హేష్ కేరీర్‌లో మ‌ర‌పురాని సినిమాగా మిగిలిపోతుంద‌న‌డంలో సందేహం లేదు. ఈ సినిమాతో మ‌హేష్‌కు ఇటు హిట్టుకు హిట్టు, భారీ వ‌సూళ్లు, చిత్ర‌, రాజ‌కీయ రంగాల‌కు చెందిన ప‌లువురు ప్ర‌ముఖుల ప్ర‌శంస‌లు కూడా ద‌క్కాయి. ప్రస్తుతం మహేష్ బాబు ‘బ్రహ్మోత్సవం’ సినిమా షూటింగ్‌లో బిజిగా ఉన్నాడు. ఈ సినిమా కుటుంబ బాంధవ్యాల కథా చిత్రంగా తెరకెక్కుతున్న ఈ సినిమాలోని కొన్ని ఫ్యామిలీ బ్యాక్ డ్రాప్ సీన్స్ ని షూట్ చేస్తున్నారు. ఈ సినిమా తర్వాత మహేష్ బాబు తమిళ స్టార్ డైరెక్టర్ ఎఆర్ మురుగదాస్ డైరెక్షన్ లో ఓ భారీ బడ్జెట్ ద్విభాషా చిత్రం చేయనున్న సంగతి తెలిసిందే..

మహేష్ బాబు మురుగదాస్ ల సినిమా షూటింగ్ ని ఏప్రిల్ లో మొదలు పెట్టనున్నట్టు సమాచారం.ఏప్రిల్ లో ఈ సినిమా షూటింగ్ ని మొదలు పెట్టి 6 నెలల్లో షూటింగ్ ని పూర్తి చేసి అనగా సెప్టెంబర్ కల్లా సినిమా షూటింగ్ ని పూర్తి చేసి అక్టోబర్ చివర్లో రానున్న దీపావళి కానుకగా ఈ సినిమాని రిలీజ్ చేసేలా ప్లాన్ చేస్తున్నారు. అందుకే షూటింగ్ మొదలయ్యాక ఎలాంటి ఇబ్బంది ఉండకూడదని స్క్రిప్ట్, కాస్టింగ్ మరియు లొకేషన్స్ ని పక్కాగా ఫిక్స్ చేస్తున్నారు. దీని ప్రకారం మహేష్ బాబు ఈ ఏడాది రెండు సినిమాలను రిలీజ్ చేసే ఆలోచనలో ఉన్నాడు.