ఒకప్పడు జంధ్యాల గారు అమెరికాలో తీసిన “పడమటి సంధ్యారాగం” సినిమా ఒక సూపర్ హిట్. విజయశాంతి ఒక సంప్రాదాయ తెలుగు అమ్మాయిగా, అమెరికా లో నటించిన విదానం అందరికి నచ్చింది. ఇప్పుడు అలాంటిదే ఒక సినిమా మన ముందుకు రాబోతుంది. ఆ సినిమా పేరు కూడా “పడమటి సంధ్యారాగం” కానీ ఈ సారి లండన్ లో తీశారు కాబట్టి ఆ సినిమా పేరు “పడమటి సంధ్యారాగం లండన్ లో” అయ్యింది. లండన్ గణేశ్ నిర్మాతగా వ్యవహరిస్తున్న ఈ సినిమాకు వంశీ మునిగంటి దర్శకత్వం వహిస్తున్నారు. చైతూ శాంతారాం హీరో గా మరియు షహేల హీరోహిన్ గా నటిస్తున్నారు. తెలుగు సినిమా పైన ఇంట్రెస్ట్ తోనే ఎనిమిది మాసాలు కష్టపడి, కేవలం వారాంతాలలోనే ఈ సినిమా నిర్మించడం గొప్ప విషయం. ఎక్కువ శాతం పాటల నిర్మాణానికి బయటి దేశాలకు వెళ్లే మన తెలుగు సినిమాలకి భిన్నంగా మొత్తం బ్రిటన్ లోనే నిర్మించబడిన ఈ సినిమా పాటలు డిసెంబర్ 26న హైదరాబాద్ లో విడుదల చేశారు. వి. ప్రసాద్ సినిమాటోగ్రాఫర్ గా వ్యవహరిస్తున్నారు మరియు  కేశవ్ కిరణ్ సంగీతాన్ని అందించారు. ఇంకా విడుదల తేదీని ప్రకటించని ఈ సినిమా మంచి విజయం సాదించాలని కోరుకుందాం.