పవర్ స్టార్ పవన్ కళ్యాణ్ సినిమాలలో తప్ప బయట కనపడడం అరుదు, కేవలం అయనకు నచ్చిన ఈవెంట్ లకు మాత్రమే అటెండ్  అవుతారు. అలాంటిది ఆయన మొదటిసారిగా ఒక తెలుగు అసోషియేషన్ వారు నిర్వహిస్తున్న కూచిపూడి ఉత్సవాల ముగింపు వేడుకకు హజరు కానున్నారు. యునైటెడ్ కింగ్డమ్ తెలుగు అసోషియేషన్ (యుక్తా), భారత సాంస్కృతిక సంబంధాల సమాఖ్య (ఐసిసిఆర్), భారతీయ విద్యా భవన్, నెహ్రూ సెంటర్ సంయుక్తంగా ప్రతిష్టాత్మకంగా చేపట్టిన “జయతే కూచిపూడి” పండుగ ముగింపు దశకు చేరుకుంది. 45 మంది కళాకారుల బృందం యూరప్ లోని ఇటలీ, ఫ్రాన్స్ జర్మనీ, స్విట్జర్లాండ్, నెదర్లాండ్స్, ఐర్లాండ్ దేశాల్లో నెల రోజులపాటు కూచిపూడి, యక్షగానం, బతుకమ్మ నీరాజనం, తెలంగాణ జానపదం వంటి ప్రదర్శనలిచ్చి లండన్ నగరం చేరుకోనున్నారని యుక్తా అధికార ప్రకటన విడుదల చేసింది.