సాయిధరమ్‌ తేజ్‌ హీరోగా నటిస్తున్న చిత్రం ‘సుప్రీమ్‌’. రాశీ ఖన్నా హీరోయిన్. అనిల్‌ రావిపూడి దర్శకత్వం వహిస్తున్న ఈ చిత్రానికి దిల్‌రాజు నిర్మాత. ప్రస్తుతం హైదరాబాద్‌లో షూటింగ్ జరుగుతోంది. ఈ నూతన సంవత్సర శుభాకాంక్షలతో సాయి గరమ్ తేజే తన ఫేస్ బుక్ ద్వారా సుప్రీమ్ టీజర్ ని షేర్ చేసారు.

సాయిధరమ్‌తేజ్‌ మాట్లాడుతూ ”’పిల్లా నువ్వులేని జీవితం’ విజయం నాలో ఆత్మవిశ్వాసాన్ని నింపింది. ‘సుబ్రమణ్యం ఫర్‌ సేల్‌’ అందరికీ నచ్చడం మరింత సంతోషాన్నిచ్చింది. ఇప్పుడు రూపుదిద్దుకొంటున్న ‘సుప్రీమ్‌’ కూడా అన్ని వర్గాల్నీ ఆకట్టుకొంటుందన్న నమ్మకం ఉంది”అన్నారు.పటాస్ సినిమాతో దర్శకుడిగా మెప్పించిన అనిల్ రావిపూడి, తన రెండో సినిమాను కూడా మంచి కమర్షియల్ ఎంటర్‌టైనర్‌గా రూపొందింస్తున్నారని తెలుస్తోంది.

అలాగే సాయిధరమ్ తేజ మరో చిత్రం కమిటయ్యారు. కళ్యాణ్ రామ్ తో ఓం తీసిన సునీల్ రెడ్డి దర్శకత్వంలో రూపొందుతోంది. ఈ చిత్రం లాంచింగ్ ఈ రోజు జరిగింది. ఈ చిత్రానికి సంభందించి తిక్క అనే టైటిల్ ని ఫైనలైజ్ చేసినట్లు సమాచారం. దానికి ట్యాగ్ లైన్ గా… ‘హ్యాండిల్ విత్ కేర్’ అని పెడుతున్నట్లు తెలుస్తోంది.రోహిన్ రెడ్డి ఈ చిత్రానికి నిర్మాత. ఇక సాయిధరమ్ తేజ్ హీరోగా దిల్‌రాజు నిర్మించనున్న మరో సినిమా ‘శతమానం భవతి’ కూడా త్వరలోనే ప్రారంభం కానుంది.