ఎవరైనా ఇంట్లో ఏసీ ఆన్ చేస్తే ఎలా ఆన్ అవుతుంది. బుయ్ అనే ఫ్యాన్ సౌండ్ తో అవుతుంది కదా.. కానీ, డిల్లీలోని ఒక ఇంట్లో మాత్రం బుసలు కొడుతూ ఆన్ అయిందట. అర్థం కాలేదా.. ఏసీ ఆన్ చేయగానే దాన్లోంచి బుసలు కొడుతూ పాము బయటకొచ్చిందట. ఏ పుట్టలోనో… చెట్ల పొదల్లోనో ఉండాల్సిన పాము ఏకంగా ఇంట్లోకి… అదీ ఏసీ లోకి రావడమేంటి అని షాక్ అవుతున్నారా.. ఇంతకీ అసలు ఏం జరిగిందంటే…
డిల్లీలోని ఒక కుటుంబ సభ్యులు కాస్త సేద తీరుదామని ఏసీ ఆన్ చేశారు. ఎప్పట్లా ఆనవకపోగా ఏసీ లోంచి బుసలు కొడుతూ ఓ పాము దర్జాగా బయటకొచ్చింది. ఒక్కసారిగా పాముని చూసే సరికి భయం తో షాక్ కు గురయ్యారు కుటుంబ సభ్యులు. తేరుకుని ఆ పాముని బయటకు పంపిద్దాం అనుకునేలోపు ఆ పామే ఏసీ లోంచి బయటకొచ్చింది. ఎదురుగా కనబడుతున్న ఎలుకని చటుక్కున నోట కరిచేసి మళ్ళీ ఏసీ లోనకు దూరింది. ఈ సంఘటనని అంతా వీడియో తీసిన వాళ్ళు యూ ట్యూబ్ లో అప్లోడ్ చేశారు. విపరీతంగా వైరల్ అయిన ఈ వీడియో చూడాలంటే క్రింది లింకుని క్లిక్ చేయండి. అంతకన్నా ముందు మీరు ఏసీ ఆన్ చేసేముందు మాత్రం ఒకసారి చెక్ చేస్కొండి.