జబర్దస్త్ టీం మొత్తం ఒకేసారి నవ్వులని పంచటానిక్ రెడీ అయిపోతే..!? ఆ నవ్వుల గోదారిలో మనం మునకలు వేయాల్సిందే. మొత్తం జబర్దస్త్ టీం ఒకే ప్యాకేజ్ గా కనిపించనున్న చిత్రం “టైటానిక్” ఇది మన తెలుగు టైటానిక్ లెండి. గోదావరి సినిమా తర్వాత మళ్ళీ సినిమా లో ఎక్కువశాతం గోదావరి మీదే షూటింగ్ జరుపుకునే చిత్రం ఇదేనట. ఈ సినిమాలో ఉన్న మరో ప్రత్యేకత ఏమిటంటే సంగీత దర్శకుడు కోటి తనయుడు రాజీవ్ సాలూరి హీరోగా కనిపించనున్నాడు, రాజీవ్ యామిని హీరో హీరోయిన్లుగా నటి స్తున్న టైటానిక్ (అంతర్వేది టు అమలాపురం) సినిమా చిత్రీకరణ తూర్పుగోదావరి జిల్లా రాజమండ్రి ఉమా కోటిలింగేశ్వరస్వామి, సీతారామస్వామి ఆలయాల్లో బుధవారం ప్రారంభమైంది.
“టైటానిక్” చిత్రం ఫుల్ ప్యామిలీ కామెడి ఎంటర్టైనర్ గా రూపొందిస్తున్నారట. ‘అంతర్వేది నుండి అమలాపురం’ వరకు గోదావరి నదిలో టైటానిక్ అనే లాంచీలో జరిగే కథే ఇది. పెళ్ళి బృందం కామెడితో సినిమా సరదాగా సాగుతుంది. థర్టీ ఇయర్స్ ఇండస్ట్రీ పృథ్వీ ఇందులో పెళ్ళి కొడుకుగా నటిస్తున్నాడు. రాజీవ్ సాలూరి హీరోగా నటిస్తున్నాడు. రఘుబాబు విలన్గా నటిస్తున్నాడు. అలాగే జబర్దస్త ర్దస్త్ టీం కామెడి సినిమాకు ప్లస్ అవుతుంది. సినిమా రెగ్యులర్ షూటింగ్ జరిపి. 35రోజుల్లో చిత్రీకరణను పూర్తి చేసి సంక్రాంతి కానుకగా జనవరి 14న సినిమాను విడుదల చేయడానికి ప్లాన్ చేస్తున్నారు. రాజవంశీ దర్శకత్వంలో తెరకెక్కనున్న ఈ ఫ్యామిలీ ఎంటర్ టైనర్కు వినోద్ యాజమాన్య సంగీతం అందిస్తున్నారు
కె.శ్రీనివాసరావు నిర్మాతగా, అట్లూరి సురేష్బాబు సహనిర్మాతగా వ్యవహరిస్తున్నారు. సంగీత దర్శ కుడు వినోద్, యాజమాన్య, డైరెక్టర్ ఆఫ్ ఫొటోగ్రఫీ రామరాజు, ఫైట్ మాస్టర్ రామ్ సుంకర, డ్యాన్స్ మాస్టర్ సత్య, ఎడిటర్ ఎంఆర్ వర్మ సాంకేతిక నిపుణులుగా వ్యవహరిస్తున్నారు. దర్శకుడు రాజవంశీ మాట్లాడుతూ చిత్రం ఆద్యంతం నవ్వులు పూయిస్తుందని, కుటుంబసమేతంగా చూసేందుకు వీలుగా ఉంటుందని తెలిపారు. గోదావరి, కోనసీమ ప్రాంతాల్లో షూటింగ్ పూర్తి చేస్తామన్నారు. ఈ కార్యక్రమంలో రాజమండ్రి రూరల్ ఎంఎల్ఎ గోరంట్ల బుచ్చయ్యచౌదరి కూడా పాల్గొన్నారు.